Хитой жануби-ғарбидаги қишлоқда 19 киши оммавий қотиллик қурбони бўлди

Хитой жануби-ғарбидаги Юньнань провинциясидаги Цюйцзин шаҳар округи, Хуэйцзе уездида жойлашган Ема қишлоғида оммавий қотиллик содир этилди. Бу ҳақда, Sina агентлигига асосланиб, «ТАСС» хабар бермоқда.

19 киши қурбон бўлди. Полиция гумондорни қўлга олди.

1989 йили туғилган эркак қишлоқдан 200 километр нарида, провинция маркази — Куньмин шаҳрида қўлга олинди.

Жиноят мотивлари ўрганилмоқда. Полиция вакили бу террорчилик акти эканлигини инкор қилди.