Ироқ армияси Найнава вилояти аҳолисига тез орада ИШИД ҳайдалишини ваъда қилди

Ироқ армияси Найнава вилояти аҳлига мурожаат қилиб, тез орада минтақа ИШИД гуруҳи жангарилари қўлидан озод қилинишига ваъда берди. Бу ҳақда «ТАСС» хабар бермоқда.

Очиқ хат мамлакат мудофаа вазирлигининг расмий сайтида жойлаштирилди. Унда армия вакиллари аҳолини ҳамкорликка чақирди.

Найнава вилояти маркази Мосул ИШИДнинг Ироқдаги таянч нуқталаридан бири ҳисобланади.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.