Суд Сноуденнинг Норвегияга қарши даъвосини кўриб чиқишдан бош тортди

Норвегия апелляция суди Эдвард Сноуден томонидан ушбу давлатга қарши киритилган шикоят аризасини кўриб чиқишдан бош тортди. Бу ҳақда, Норвегия телеграф бюросига асосланиб, «ТАСС» хабар бермоқда.

АҚШ махсус хизматларининг собиқ ходими тўрт журналистик ташкилот билан биргаликда аризани киритган. Улар Сноуден Норвегияга борган тақдирда АҚШга экстрадиция қилинмаслигига кафолат олишга уринмоқда.

Сноуден мамлакатга ташриф буюриб, Норвегия ПЕН-клубининг инсон ҳуқуқлари ҳимоясига қўшган ҳиссаси учун унга топширилиши кўзда тутилган мукофотини шахсан олишни режалаштирмоқда.