Қирғизистон Қозоғистон билан чегарадаги назорат-ўтказиш пунктларидан бирини ёпди
Қирғизистон Қозоғистон билан чегарада «Тўқмоқ-автойўл» (Чуй вилояти) назорат-ўтказиш пунктини номаълум муддатга ёпди. Бу ҳақда Қирғизистон чегара хизмати маълум қилди, деб ёзади «ТАСС».
Маълум қилинишича, мазкур назорат-ўтказиш пункти республика бош вазири Сўронбой Жээнбековнинг давлат чегаралари орқали ўтувчи шахсларга қулай шароитлар яратиш ҳақидаги қарорига мувофиқ реконструкция қилиш учун ёпилган.
«‘Тўқмоқ-автойўл’ назорат-ўтказиш пунктида объектларни барпо этиш бошланган. Қурилиш ишларининг якунланиш санаси ҳақида қўшимча равишда маълум қилинади», — дейилади хабарда.
Қурилиш давомида фуқаролар Қирғизистон—Қозоғистон чегарасини Чуй вилоятида жойлашган «Кенбулун-автойўл», «Акжўл-автойўл» ва «Актилек-автойўл» назорат-ўтказиш пунктлари орқали кесиб ўтиши мумкин бўлади.
