Ўзбекистонлик дастурчи iStudent дастурини тақдим этди
Ўзбекистонлик дастурчи Зайнутдинов Исмоил iStudent дастурини ишлаб чиқди. Бу ҳақда Республика Интеллектуал мулк агентлиги матбуот хизмати маълум қилди.
Ушбу мобил дастур талабаларга дарс жадвалини смартфон ва планшетлар орқали электрон тарзда кўришга имкон бериш билан уларнинг вақтини тежайди ва қоғоз сарфини камайтиради. iStudent дастури таълим муассасалари учун мўлжалланган. Дастур олий ўқув юртининг барча эълон, реклама ва шунга ўхшаш бошқа янгиликлардан хабардор қилишни, олий ўқув юртида бўлиб ўтган байрамлар, конференциялар ва шунга ўхшаш тадбирларни видео ва фото лавҳаларини кўришни, фанларнинг маъруза матнлари, керакли ва қизиқарли китоблар ва шунга ўхшаш маълумотларнинг электрон юклаб олиш ва фойдаланишни ўз ичига олади.
Муаллифга ушбу дастур учун № ДГУ 03846 рақамли гувоҳнома берилди.
