Etihad Airways самолёти двигателдаги носозлик туфайли Абу-Даби аэропортида фавқулодда қўнди

БААнинг Etihad Airways миллий авиакомпаниясига тегишли йўловчи самолёти двигателнинг ишламай қолиши туфайли Абу-Дабида қўнишга мажбур бўлди. Бу ҳақда, AP’га асосланиб, «ТАСС» хабар бермоқда.

Самолёт бортида 329 йўловчи бор эди.

Воқеа 27 сентябрь куни содир бўлди. EY450 Абу-Даби–Сидней йўналиши бўйича кетаётган Boeing-777 Абу-Дабидан учиб чиқди, аммо тез орада шаҳар аэропортига қайтишга мажбур бўлди.