Расмий Дамашқ мамлакатнинг янги конституцияси бўйича умумхалқ референдуми ўтказилиши ғоясини қўллаб-қувватлайди. Бу ҳақда 26 сентябрь, душанба куни Сурия ташқи ишлар вазири Волид Муаллим маълум қилди, дея хабар беради «ТАСС».
«Вазирлар маҳкамаси референдумдан сўнг парламент сайловлари ўтказилиши, ундан кейин эса Суриянинг янги ҳукумати шакллантирилиши зарур эканлигига қўшилади. Дамашқ мамлакатнинг янги асосий қонунини тайёрлаш бўйича конституциявий қўмитани тузадиган кенгайтирилган ҳукуматни шакллантиришга тайёр», — дея таъкидлади Муаллим.
Мамлакат раҳбарлик тизимларидаги эҳтимолий ўзгаришлар масаласини тилга олар экан, вазир «раҳбариятнинг алмаштирилиши бир кишининг эмас, бутун Сурия халқининг қарори бўлиши лозим»лигини билдирди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)