Миср қирғоқлари яқинида чўкиб кетган муҳожирларни олиб кетаётган кема қурбонлари сони 170 кишига етди. Мазкур рақам якуний эмас ва яна кўпайиши мумкин. Бу ҳақда 26 сентябрь, душанба куни мамлакат соғлиқни сақлаш вазирлиги маълум қилди, дея хабар бермоқда «Интерфакс».
Олдинроқ фожиа туфайли 115 киши ҳалок бўлгани маълум қилинган эди.
Эслатиб ўтамиз, асосан африкалик ноқонуний муҳожирларни олиб кетаётган ва Италияга йўл олгани тахмин қилинган кема 21 сентябрь куни Бухайра вилоятидаги Рашид шаҳри яқинида Ўрта Ер денгизида чўкиб кетганди. Унинг бортида 600 киши бўлгани билдирилмоқда.
Изоҳ (0)