Суриянинг Алеппо провинциясида сўнгги кунларда кузатилган отишмалар ва жанговар ҳаракатлар натижасида 200 дан зиёд киши ҳалок бўлди, дея хабар бермоқда «ТАСС» БМТ бош котиби махсус вакили Стаффан де Мистурага таяниб.
Унинг сўзларига кўра, провинцияда ўлдирилган фуқаролар сони 213 киши дея баҳоланмоқда, шулардан 139 нафари шарқий Алеппода, 74 нафари эса қишлоқ ҳудудларда ҳалок бўлган. У жанговар ҳаракатлар қурбонлари орасида ўнлаб аёллар ва болалар борлигини таъкидлади.
Де Мистура шарқий Алеппо аҳолисининг 275 минг нафари бир неча ҳафтадан буён қамалда қолганини маълум қилди. «Уларнинг барчаси террорчилар бўлиши мумкин эмас», — деди эмиссар.
У Хавфсизлик Кенгашини тинч аҳоли ва фуқаролик инфратузилмаси ҳимоясини таъминлашга, жанговар ҳаракатларда ҳар ҳафтада 48 соатлик гуманитар танаффусларга эришишга ҳамда хасталар ва яраланганларни эвакуация қилиш бўйича операция ўтказишга чақирди.
Изоҳ (0)