Туркия Суриянинг Ракка шаҳрини ИШИД жангариларидан озод этиш бўйича АҚШ бошчилигидаги ҳарбий операцияга курдлар жалб этилмаган тақдирда қўшилиши мумкин. Бу ҳақда 25 сентябрь, якшанба куни мамлакат президенти Ражаб Тоййиб Эрдўғон маълум қилди, деб хабар беради «РБК».
«Ўзаро фаолият биз учун ўта муҳим. Агар АҚШ PYD ва YPG’ни (курдларнинг ‘Демократиқ иттифоқ’ партияси ва Суриядаги курд кўнгиллилар отрядлари) операцияга жалб этмаса, биз улар билан биргаликда жанг қилишга тайёрмиз», — таъкидлади Эрдўғон.
Эслатиб ўтамиз, Туркия август охиридан бери Суриянинг Жараблус шаҳрида ҳудудида ИШИДга қарши «Фрот қалқони» деб номланган ҳарбий операцияни олиб бормоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)