Венесуэланинг «Трухильянос» футбол клуби автобусига қуролланган шахслар ҳужум қилди

Венесуэлада қуролланган шахслар талон-торож қилиш мақсадида маҳаллий «Трухильянос» футбол клуби автобусига ҳужум қилди, деб хабар бермоқда «ТАСС».

Ҳодиса 19 сентябрь, душанба куни Бока де Учире шаҳри ҳудудида содир бўлди. Жамоа «Монагас» клубига қарши миллий чемпионат доирасидаги ўйинга йўл олган эди.

Қуролланган олти киши автобусни тўхтатиб, автобусга чиққан ва футболчилар билан бирга бир неча километр чекка жойга борган. Сўнг автобусда бўлганларнинг барча қимматбаҳо буюмлари — спорт кийимлари, видеокамера, ноутбук ва бошқа нарсаларни олиб кетди.

Хабар беришларича, ўғрилар футболчиларни автобусда икки соатдан ортиқ вақт давомида ушлаб турган.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.