Саудия Арабистони нефть қазиб чиқариш ҳажмини рекорд даражага олиб чиқди

Июль ойида Саудия Арабистони нефть қазиб олиш ҳажмини рекорд даражага олиб чиқди. Бу ҳақда, Joint Organization Data Initiative (JODI) маълумотларига асосланиб, «Интерфакс» хабар бермоқда.

Мамлакатнинг нефть экспорти июлда суткасига 166 минг баррелга кўпайиб, 7,622 миллион баррелни ташкил этди. Бу ташкилот кузатувни бошлаган 2002 йилдан буён қайд қилинган кунлик максимумдир.

Мамлакат электр токи ишлаб чиқаришга сарфлайдиган нефть миқдори ҳисобот даврида 7 миллион баррель/суткага қисқариб, 697 минг баррель/суткани ташкил қилди. Бу, ўз навбатида, 2010 йилдан буён қайд қилинган минимум бўлди.