Нью-Йорк полицияси портлашга алоқадорликда гумонланувчи 5 кишини ҳибсга олди

Нью-Йорк полицияси ФҚБ билан ҳамкорликда Нью-Йоркда 17 сентябрь, шанба куни содир бўлган портлашга алоқадорликда гумонланувчи беш кишини ҳибсга олди. Бу ҳақда «ТАСС» хабар бермоқда.

Гумонланувчиларни қўлга олиш бўйича операция Бруклин ва Статен-Айленд туманларини бирлаштирувчи Веррацано автомобиль кўпригида ўтказилди.

Полиция ва ФҚБ ходимлари кўприк бўйлаб кетаётган автомобилни тўхтатган ва ундаги одамларни қўлга олган. Ҳозирда улар сўроқ қилинмоқда.

ФҚБ агентлари ушбу машинани маълум вақт давомида кузатган. Операция туфайли кўприкда ҳаракатланиш тўхтатилган. Қўлга олинганларнинг мегаполисдаги портлашга алоқадорлиги ҳақида расман маълум қилинмаган.

Эслатиб ўтамиз, 17 сентябрь, шанба куни Манхэттен марказидаги Челси кварталида портлаш юз берди. Ҳодиса оқибатида 29 киши жабрланди.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.