Буюк Британияда икки йўловчи аёл самолёт корпусига ёзгани туфайли рейсдан қолдирилди

Буюк Британияда 40 ёш атрофидаги икки аёл Flybe авиакомпанияси рейсидан қолдирилди. Саутгемптондан Ла-Рошелга кетаётган борт капитани улар ҳаво кемаси корпусига ёзув туширганини кўрганидан сўнг шундай қарорга келди, деб хабар беради TJournal.

Айтилишича, аёллар тўйга учаётган эди. Улар қўлидаги маркер билан тантанали воқеа ҳақида хотира ёзуви қолдирмоқчи бўлган эди. Аёллардан ёзувни ўчириш талаб қилинди, улар бунинг уддасидан чиқа олмагач, воқеадан раҳбарият огоҳ этилди.

Қоидабузарларнинг юклари самолётдан туширилди, шундан сўнг у белгиланган вақтда ҳавога кўтарилди.

Полиция вакили ҳеч ким ҳибсга олинмаганини билдирди.