Ливия нефть қазиб олиш ҳажмини чекламайди

Ливия нефть қазиб олишни суткасига камида 1,6 миллион баррелга етказгунига қадар ҳажмларни музлатиб қўйишни режалаштирмаяпти. Бу ҳақда мамлакатнинг ОПЕК ҳузуридаги вакили Муҳаммад Оун The Wall Street Journal газетасига маълум қилди, деб ёзади «ТАСС».

«Биз қазиб олишнинг аввалги ҳажмига эришмагунимизча чеклаб қўйишга рози эмасмиз», — деб таъкидлади у.

Оуннинг сўзларига қараганда, Ливия, мамлакатнинг собиқ етакчиси Муамар Каддафи бошқаруви даврида бўлганидек, нефть ишлаб чиқаришда суткасига 1,6 миллион баррель кўрсаткичга эришишга уринмоқда.

Ҳозирда бу рақам суткасига 300 минг баррелни ташкил этади.