Либерия шимолида филлар Гало шаҳрини эгаллаб олиб, қўшни туманлардаги фермерларга азоб бермоқда, деб маълум қилди «ТАСС».
Давлат радиоузатиш корпорациясининг маълум қилишича, филлар гуруч далаларини пайҳон қилмоқда, шаҳар ичида эса банан ва плантан дарахтларининг меваларини еб қўймоқда.
Зоологларнинг фикрича, филларнинг бу хатти-ҳаракатлари ўрмонда ҳукм сураётган очлик билан боғлиқ, негаки гигант жониворлар одатда ўз анъанавий истиқомат макони — Бель қўриқхонасидан чиқмайди.
Жониворларни тинчлантириш учун Либерия ўрмон хўжалиги бошқармаси Гало шаҳри жойлашган Гбарполу графлигига махсус малакали ходимлар гуруҳини йўллади.
Изоҳ (0)