ЖЧ—2018. Европа Чемпиони Португалия саралашни мағлубият билан бошлади, Франция дуранг ўйнади

Россия мундиалининг Европа саралашида 1-тур беллашувларига тўлиқ якун ясалди. 6 сентябрь куни «А», «B» ва «H» гуруҳларида илк учрашувлар бўлиб ўтди.

Евро—2016 мезбони ва финалчиси ҳисобланган Франция терма жамоаси саралашни очко йўқотиш билан бошлади. Беларусь майдонига сафар уюштирган Дидье Дешам жамоаси бутун учрашув давомида рақиб дарвозасига йўл топа билмади. Голландияга қарши Златан Ибраҳимовичсиз ҳаракат қилган Швеция ҳам 2 очко йўқотди.

Европанинг амалдаги чемпиони ҳисобланган Португалия терма жамоаси Криштиану Роналду иштирок этмаган ўйинда Швейцариядан енгилди. Латвия Андоррадан 3 очко билан қайтди, Венгрия эса Фарерга гол ура олмади.

«H» гуруҳидаги барча ўйинда йирик ҳисоблар қайд этилди. Бунда Бельгия 3 та, Греция 4 та, Босния ва Герцеговина 5 та гол уришга муваффақ бўлди.

Саралашнинг 2-тур беллашувлари 6—7—8 октябрь кунлари бўлиб ўтади.

ЖЧ—2018 Европа саралаши. 1-тур 6 сентябрь, сешанба

«А» гуруҳи

Швеция — Голландия 1:1

Голлар: Маркус Берг, 43 (1:0). Уэсли Снейдер, 67 (1:1).

Беларусь — Франция 0:0

Болгария — Люксембург 4:3

Голлар: Димитар Рангелов, 16 (1:0). Орелен Жоашим, 60 (1:1). Орелен Жоашим, 62 (1:2). Марселино, 65 (2:2). Ивелин Попов, 79 (3:2). Флориан Бонерт, 91+1 (3:3). Александар Тонев, 92+3 (4:3).

«B» гуруҳи

Швейцария — Португалия 2:0

Голлар: Брел Эмболо, 24 (1:0). Адмир Мехмеди, 30 (2:0).Четлатиш: Гранит Жака, 90+3 (Ш).

Андорра — Латвия 0:1

Гол: Валерий Шабала, 48 (0:1).

Фарер — Венгрия 0:0

«H» гуруҳи

Кипр — Бельгия 0:3

Голлар: Ромелу Лукаку, 13 (0:1). Ромелу Лукаку, 61 (0:2). Янник Карраско, 81 (0:3).Ноаниқ пенальти: Миши Бачуайи, 90 (Б).

Босния ва Герцеговина — Эстония 5:0

Голлар: Эмир Спахич, 7 (1:0). Эдин Жеко, 23-пен (2:0). Харис Медунянин, 71 (3:0). Ведад Ибишевич, 83 (4:0). Эмир Спахич, 90+2 (5:0).

Гибралтар — Греция 1:4

Голлар: Костас Митроглу, 10 (0:1). Лиам Уокер, 26 (1:1). Скотт Уайзмен, 43-авт (1:2). Костас Фортунис, 44 (1:3). Василис Торосидис, 45+2 (1:4).