Ўзбекистон мустақиллигининг 25 йиллиги арафасида юз ёшдан ошган бир гуруҳ ўзбекистонликлар Президентнинг жорий йил 24 августдаги фармонига мувофиқ «Шуҳрат» медали билан тақдирланди. Мукофотланганлар орасида Фарғона вилояти Бувайда туманида яшовчи 121 ёшли Ҳувайдо момо Умарова ҳам бор, дея хабар бермоқда ЎзА.

Foto: “Qalampir.uz”

Фото: «Qalampir.uz»

Мустақиллик байрами арафасида Ҳувайдо момо хонадони ҳар қачонгидан гавжум бўлди. Вилоят ва туман ҳокимлиги, жамоатчилик вакиллари, қўни-қўшни, қариндош-уруғ бир дастурхон атрофида жам бўлди.

Вилоят ҳокими Шуҳрат Ғаниев Ҳувайдо момога юксак мукофот – «Шуҳрат» медалини Президент номидан топшириб, мустақиллик байрами билан табриклади.

1895 йилда дунёга келган онахоннинг оиласи фарзандлари, набиралари, эваралари, чеваралари, жами 100 га яқин кишидан иборат.