Рио—2016 Олимпиадасининг оғир атлетика спорт турида Ўзбекистон шарафини ҳимоя қилаётган Руслан Нуриддинов ва Иван Ефремов ўз юришини Тошкентга 16 август санаси кириб келган бир пайтда бошлади.
Илк уринишда ҳар икки спортчи 185 килограммли, иккинчисида эса Ефремов 189 килограммли, Нуриддинов 190 килограммни тошни ўзига бўйсундирди. Учинчи уринишда ҳар икки спортчи 194 килограммли натижа қайд этди.
Нуриддинов даст кўтаришда фақатгина битта хатога йўл қўйди ва 197 килограммли тошни ўзига бўйсундира олмади. Шу тариқа Ефремов биринчи, Нуриддинов эса иккинчи ўрин билан даст кўтаришни якунлади.
Силтаб кўтаришда Иван Ефремов 220 килограммлик натижа билан умумий баллини 414 га етказди. Бироқ бу медаллар учун курашишга етмади.
Руслан Нуриддинов эса 237 килограмм тошни ўзига бўйсундириб, умумий 431 баллни қўлга киритди. Сўнгги уринишни амалга оширган арманистонлик спортчи 234 килограммни эплай олмагач, Руслан 2016 йилги Олимпиада ўйинлари чемпионига айланди. Бу ҳали ҳаммаси эмас, ўзбекистонлик спортчи якунда Олимпиада рекордини янгилашга муваффақ ҳам бўлди.
Изоҳ (0)