Шаҳрам Ғиёсов Рио—2016 финалига чиқиш учун аввалига Олимпиада, кейин Жаҳон чемпионини таслим қилди

Ўзбекистонлик боксчи Шаҳрам Ғиёсов 69 килограммгача бўлган спортчилар ўртасидаги турнир финалига йўлланма олди.

Бунинг учун Ғиёсов аввалига Олимпиада, кейин эса Жаҳон чемпионини мағлуб этди, деб хабар берди «Оламспорт».

Чорак финалда Шаҳрам олимпия ўйинларининг олтин медалларини қўлга киритган кубалик Ронел Иглесиасни ҳар учала раундда ҳам мағлуб этиб, энг камида бронза медали масаласини ҳал қилиб қўйганди. Ярим финалда эса у амалдаги Жаҳон чемпиони — марокашлик Муҳаммади Раббини учта раундда ҳам таслим қилди.

Шаҳрам Ғиёсов Олимпиада—2016 олтин медалларини қўлга киритиш учун 18 август куни финал жангида майдонга чиқади. Унда Муҳаммадқодир Абдуллаев ва Ҳасанбой Дўстматовдан кейин Ўзбекистон делегациясига Олимпиадада олтин медаль тақдим этган учинчи спортчига айланиб олиш имконияти бор.