Сузиш бўйича АҚШ терма жамоасининг аъзоси, 4х200 метрга комплекс усулда эстафета сузишда Рио–2016 Олимпиадасининг чемпиони Райан Лохтенинг Рио-де-Жанейро шаҳрида тунаб кетилиши ҳақидаги воқеани унинг бразилиялик ҳамкасби Тиагу Перейра маълум қилди, деб хабар бермоқда «РБК».
Перейранинг маълум қилишича, спортчилар ўз танишининг кечки зиёфатига борган ва у тугагач, ҳамма тарқалган. Кейин эса Перейра америкалик спортчига гўёки ўғрилар ҳужум қилганини эшитди. «Тиагу Лохтега қўнғироқ қилди ва америкалик у ўтирган таксига ўғрилар ҳужум қилганини айтди», – дея маълум қилди Перейранинг расмий вакили.
Райан Лохтенинг ўзи аҳволи яхши эканини айтди. Перейра билан мулоқот вақтида америкалик ҳужум қилганлар қуролланган ёки йўқлигига аниқлик киритмаган.
Халқаро олимпия қўмитаси (ХОҚ) Лохтега қилинган ҳужум ҳақидаги хабарни ҳозиргача рад этиб келаётганди. Ташкилотнинг расмий вакили Марк Адамс қуролланган ҳужум ҳақидаги хабарлар «ҳақиқий сафсата» эканини айтди. Сузувчининг мураббийи бу маълумотни тасдиқлай олмади.
Риодаги Олимпиада вақтида талончилар бир неча таниқли спортчига ҳужум қилди. Шулар орасида россиялик собиқ сузувчи Евгений Коротишкин ҳам бор. Қуролланган талончилар Лондон–2012 Олимпиадасининг совриндорининг чўнтагида бор нарсани тунаб кетганди.
Изоҳ (0)