Голливуд актёри Жозеф Гордон-Левитт метрода дўмбира чалди (видео)

Голливуд актёри Жозеф Гордон-Левитт Everyday, Spectacular (Ҳар кун ажойиб – «Дарё» таржимаси) лойиҳаси учун метрода дўмбира чалди. Бу ҳақда «Газета.ru» хабар бермоқда.

Гордон-Левитт метродаги чиқишини 13 август, шанба куни Facebook’даги саҳифасига жойлади. Айни дамда видеони қарийб 3 миллион фойдаланувчи кўрди. Актёр акция айнан қаерда бўлиб ўтганига аниқлик киритмади.

Хабарда қайд этилишича, Гордон-Левитт мусиқачи, хонанда, раққос ва бошқа ижрочиларни оддий кундан «ёрқин лаҳза» яратишга чақирди. Бундан ташқари, актёр ўзи билан иштирок этадиган мусиқачи ва қўшиқчиларни излаётганини маълум қилди.

Жозеф Гордон-Левитт «Ибтидо», «Қора рицар: Афсонанинг қайтиши», «Нафратимнинг 10 сабаби», «Ёзнинг 500 куни» ва «Сноуден» каби фильмларда суратга тушган.