Доғистондаги Тагиркент-Казмаляр қишлоғида аксилтеррор операцияси режими ўрнатилди. Бу ҳолат бир нафар жангарининг ўлдиришидан кейин эълон қилинди, деб ёзди «РБК». Бунда нашр миллий аксилтеррор қўмитасининг Доғистондаги тезкор штаби вакилининг сўзларига асосланган.
Режим Москва вақти билан 7:30 дан бошлаб амалда бўлди. Доғистондаги тезкор штаб вакили айни вақтда қолган жангарилар ва уларнинг шерикларини излаш операция бошланганини маълум қилган.
Ҳудуддаги куч ишлатувчи орган вакилларининг «Интерфакс»га гувоҳлик беришича, 14 август куни орган ҳодимлари номаълум эркакдан ҳужжатларни текшириш учун тўхташини талаб қилган. Тагиркент-Казмаляр қишлоғидаги бу воқеадан кейин эркак куч ишлатувчи орган вакилларига қарата ўч очганидан сўнг гумдон қилинган. Отишмадан кейин жароҳатланганлар бор ёки йўқлиги борасида маълумот берилмаган.
Номаълум эркакнинг шахси аниқланди. У террорчилик фаолияти туфайли федерал қидирувда бўлган жангари бўлиб чиқди. Айни вақтда унга тегишли бўлган уй қамал қилинган.
«РИА Новости»нинг Доғистон ҳуқуқни муҳофаза қилувчи органлари вакилидан иқтибос келтириб айтишича, ўлдирилган эркак Жанубий тўда деб номланган гуруҳ аъзоси ҳисобланган.
Изоҳ (0)