Германиялик диск улоқтирувчи ва уч карра жаҳон чемпиони Роберт Хартинг Рио-де-Жанейродаги меҳмонхонада ўз-ўзига шикаст етказди. Шу боис у 12 август, жума куни муваффақиятсиз чиқиш қилди. Бу ҳақда, Deutsche Welle нашри маълумотига таяниб, TJournal хабар бермоқда.
12 август куни Хартинг ёмғирли об-ҳаво шароитида дискни бор-йўғи 62,21 мертга улоқтирди. Тўғридан-тўғри финалга ўтиш учун бу кўрсаткич 65,5 метрни ташкил этиши лозим эди. Хартинг 42 сантиметрга ортда қолиб, 12 нафар финалистлар қаторидан жой олмади ва Германиянинг яна бир олтин медаль олиш умидини йўққа чиқарди.
Муваффақиятсиз чиқишдан сўнг Германиянинг ARD телеканалига интервью берган Хартинг ёмон кўрсаткичга унинг белидаги оғриқ сабаб бўлганлигини маълум қилган. У меҳмонхонада чироқни оёғи билан ёқишга уринганида белига шикаст етган.
Изоҳ (0)