12 август куни Ўзбекистон Республикаси Ташқи ишлар вазири Абдулазиз Камилов Кипр Республикасининг янги тайинланган элчиси Георгиос Касулидисни (қароргоҳи Москва шаҳрида) қабул қилди. Бу ҳақда ТИВ матбуот хизмати хабар бермоқда.
Элчи Ўзбекистон Республикаси Президенти номига йўлланган ишонч ёрлиқларини топширди.
Бўлиб ўтган суҳбат чоғида икки томонлама муносабатлар, жумладан Европа Иттифоқи, БМТ ва бошқа халқаро тузилмалар доирасидаги ҳамкорлик масалалари кўриб чиқилди.
Учрашувда турли соҳалардаги муносабатларни янада ривожлантириш, давлатлараро мулоқотларни ҳамда Ўзбекистон ва Кипр Республикаси бизнес-доиралари ўртасидаги алмашинувларни фаоллаштиришга икки томон ҳам қизиқиш билдирди.
Изоҳ (0)