Самарқанднинг «Динамо» клуби 1979 йилнинг 11 август куни авиаҳалокатга учраган Тошкентнинг «Пахтакор» жамоасини хотирлади, деб хабар бермоқда клуб матбуот хизмати.
Бундан 37 йил муқаддам авиаҳалокатга учраган ва «Пахтакор-79» номини олган жамоанинг 17 нафар футболчиси ҳалок бўлганди. Улар орасидаги энг ёш футболчи – самарқандлик Сирожиддин Бозоров эди.
Бугун, 11 август куни «Пахтакор-79» жамоаси хотирланади. Ўз вақтида ўзбек футболи намояндаси бўлган ушбу жамоа том маънода халқ жамоаси эди.
«Динамо» футбол клуби кеча, 10 август куни Тошкентдаги Боткин қабристонида жойлашган «Пахтакор-79» мемориал ёдгорлик мажмуасида бўлиб, ҳамма учун қадрли бўлган жамоани ёдга олди. Марҳумларни хотирлаб, улар учун атаб ўрнатилган ёдгорлик пойига гуллар қўйди.
Изоҳ (0)