Ўзбекистон футзал терма жамоаси Колумбияга кетиш йўлида Испания ва Португалия билан ўйнайдиган бўлди

Қозоғистон ва Тожикистон терма жамоаларига қарши умумий 5 та ўртоқлик ўйинида майдонга тушган Ўзбекистон футзал терма жамоасининг навбатдаги рақиблари ҳал бўлди. Бу ҳақда мамлакат футзал ассоциацияси расмий сайти хабар берди.

Август ойи якунига қадар Хосе Мария Мендез шогирдлари Осиё Чемпиони Эрон ва ЖЧ—2016 иштирокчиси Озарбайжон терма жамоаларига қарши ўртоқлик ўйинларида иштирок этади.

1—2 сентябрь кунлари Ўзбекистон терма жамоаси мос равишда Португалия ва Испания термаларига қарши ўйинларда ҳам залга чиқади. Ҳар икки беллашувга Португалиянинг Порту шаҳри мезбонлик қилади ва ўйинлардан кейин Мендез жамоаси Колумбияга — ЖЧ—2016 да иштирок этиш учун учиб кетади.

Португалия терма жамоаси ЖЧ—2016 да Ўзбекистон билан бир гуруҳдан жой олган. Бу термаларга Панама ва Колумбияга ҳам рақиблик қилади. Испания эса Европанинг амалдаги чемпиони сифатида мундиалда иштирок этади.