9 август куни бўлиб ўтган УЕФА Суперкубоги ўйини билан Европада янги футбол мавсуми расман старт олди.

Суперкубокда Европа Чемпионлар Лигаси ва Европа Лигаси каби турнирларнинг мос равишдаги амалдаги ғолиблари — «Реал» ҳамда «Севилья» клублари саф тортди.

Учрашувнинг 21-дақиқасига келиб Асенсио «қироллик клубидаги» илк расмий ўйинидаги биринчи голини киритишга муваффақ бўлди. Бироқ Мадрид клуби ҳисобдаги бу устунликни сақлаб қола олмади.

41-дақиқада Васкес мувозанатни тиклади. 72-дақиқага келиб эса украиналик Евгений Коноплянка пенальтини аниқ амалга ошириб, «Севилья»га ғалаба келтирган голга муаллифлик қилди. Ундан олдинроқ «Реал» сардори Серхио Рамос жарима майдончаси ичида ўйин қоидасини бузганди.

93-дақиқага келибгина «Реал» мағлубиятдан қутулиб қолди. Серхио Рамос Лукас Васкеснинг тўп узатишидан кейин ҳисобни тенглаштиришга эришди — 2:2. Бу гол жамоаларга 15 дақиқадан яна 2 та қўшимча тайм юклади.

Қўшимча дақиқаларнинг учинчисида «Севилья» футболчилари майдонда бир киши кам бўлиб қолди. Натижада 119-дақиқага келиб «Реал» бундан фойдаланди ва Карвахалнинг голи билан ўз тарихида учинчи бор Европа Суперкубогида ғалаба қозонди.

УЕФА Суперкубоги 9 август, сешанба

«Реал» — «Севилья» 3:2

Голлар: Асенсио, 21 (1:0). Васкес, 41 (1:1). Коноплянка, 72-пен (1:2). Серхир Рамос, 90+3 (2:2). Карвахал, 119 (3:2).Четлатиш: Колодзейчак, 93 (С).

«Реал»: Касиля, Карвахал, Рамос, Варан, Марсело, Каземиро, Ковачич (Хамес Родригес, 73), Иско (Модрич, 66), Асенсио, Васкес, Мората (Бензема, 62).

«Севилья»: Рико, Васкес, Колодзейчак, Каррису (Рами, 51), Пареха, Мариано Феррейра, Иборра (Краневиттер, 74), Киетаке, Н’онзи, Витоло, Ветто (Коноплянка, 67).