Украина ҳукумати 8 август, душанба кунги йиғилишида мамлакатда 2017 йили Eurovision қўшиқ танловини ўтказиш учун 450 миллион гривна (18,14 миллион доллар) ажратди. Бу ҳақда «РБК» хабар бермоқда.
2015 йили Венада ўтказилган Eurovision учун 41 миллион, шу йили Стокгольмда бўлиб ўтган танлов учун эса 15,2 миллион доллар сарфланганди. Шу тариқа, Украина Eurovision учун Австриядан камроқ, Швециядан эса кўпроқ харажат қиладиган бўлди.
Танлов ўтказиш учун Киев, Днепр ва Одесса шаҳарлари даъвогарлик қилмоқда. Бироқ бу бўйича узил-кесил қарор қабул қилиш номаълум муддатга қолдирилди.
Эслатиб ўтамиз, Украина ўз вакиласи Жамала Eurovision’да ғолиб чиққач, 2017 йили мусиқий танловни ўтказиш ҳуқуқини қўлга киритди.
Изоҳ (0)