Португалия терма жамоаси ва «Реал» клуби ҳужумчиси Криштиану Роналду «Манчестер Юнайтед» бош мураббийи Жозе Моуриньонинг танқидига жавоб берди. Бу ҳақда Championat Asia хабар бермоқда.
Олдинроқ Моуриньо Евро–2016 нинг сўнгги дақиқаларида Роналду Португалия терма жамоасининг муваффақиятига ҳеч қандай ҳисса қўшмагани ҳақида айтган эди.
Бундан бир неча соат ўтиб Криштиану Instagram тармоғига сурат жойлади ва унга қуйидаги сўзларни қўшиб қўйди: «Тезда эсла».
Нашрнинг таъкидлашича, Роналду бу сурат билан шундай демоқчи: «Биз чемпион бўлдик ва қолгани аҳамиятга эга эмас».
Роналду ва Моуриньо 2010–2013 йилларда «Реал»да бирга ишлашган.