Япония ҳукумати истеъфо берди
Япония ҳукумати 3 август, чоршанба куни вазирлар маҳкамасининг янгиланиши олдидан истеъфо берди. Бу ҳақда NHK телеканали маълумотига таяниб, «Корреспондент.net» хабар берди.
Янги тайинланишлар яқин вақт ичида бош вазир Синдзо Абэ томонидан эълон қилинади. Япония ОАВларининг маълум қилишича, ҳукуматнинг қайта шаклланиши давомида ТИВ раҳбари Фумио Кисида ўз лавозимида қолдирилади, бироқ мудофаа вазири Томоми Инада бўлади.
У Япония тарихида мудофаа бошқармасига раҳбарлик қилган иккинчи аёл киши бўлади. Япониянинг амалдаги Либерал-демократик партиясида партия сиёсати учун жавобгар бўлган Инада дипломатия ва хавфсизлик масалаларида Япония бош вазирининг маслакдоши ҳисобланади.
Молия вазири Таро Асонинг ҳам ўз лавозимида қолиши кутилмоқда. Савдо вазири этиб вазирлар маҳкамаси бош котибининг ўринбосари Хиросиге Сэко тайинланади, ташқи ишлар вазирининг собиқ ўринбосари Кацутоси Канэда эса адлия вазири лавозимини эгаллайди.
