Польша прокуратураси россиялик учувчи парвоз тақиқланган зонага дахл қилиши юзасидан иш қўзғатди

Польшанинг Ченстохова шаҳри округ прокуратураси Россиянинг енгил моторли самолёти учувчиси парвозлар чекланган зонага кириши юзасидан иш очди. Бу ҳақда, идора матбуот котиби Томаш Озимекнинг сўзларига асосланиб, «ТАСС» хабар бермоқда.

«Прокурор 2016 йилнинг 29 июль куни РФ фуқароси томонидан парвоз чекланган зонанинг бузилиши факти бўйича тергов бошлашга кўрсатма берди. Чеклов Польша ҳаво навигацияси агентлиги томонидан Бутундунё католик ёшлари куни муносабати билан ўрнатилган эди. Гап Польша давлат чегарасини тегишли рухсатсиз бузиб кириш ҳақида кетмоқда», — маълум қилди матбуот котиби.