Хонанда Лола Instagram’даги саҳифасида барчани кечиримли бўлишга чақирди, деб хабар бермоқда «Даракчи.uz».
«Кечириш – бу озод бўлиш. Гина-араз эса сиздан бошқа кимдир заҳарланишига умид қилиб ичилаётган заҳардир. Бугун мен барча яқинларим, дўстларим, қариндошларим ва ҳаттоки бегоналардан ҳам кечирим сўрайман. Балки, сўзларим ёки хатти-ҳаракатларим билан дилингизни оғритгандирман. Балки менинг сукутим ҳам кўнглингизга оғир ботгандир. Баъзан атрофингда сендан хафа бўлган, сендан оғринган қалб соҳиби борлигидан бехабар тарзда яшайверасан... Ҳаммамиз хато қиламиз, кимнидир хафа қилиб қўямиз. Келинг, кечиримли бўлишни ўрганамиз...» – дея ёзди Лола.
Эслатиб ўтамиз, Лола 7 август куни Москва шаҳрида яккахон концерт дастурини тақдим этади. Шунингдек, бугун, 1 август куни радиоканаллар орқали хонанданинг янги — «Хабар ол» деб номланган қўшиғи премьераси бўлиб ўтади.
Изоҳ (0)