Европа ташқи иқтисодий хизмати расмий вакили Арманистон пойтахти Еревандаги сўнгги вазиятни, Эребуни туманида полиция биноси эгаллаб олингани туфайли, жуда хавф-хатарли деб атади. Бу ҳақда «Интерфакс» хабар берди.
«Биз гаровга олинган тиббиёт ходимлари зудлик билан озод этилишига чақирамиз», — дейилади 30 июль, шанба куни Брюсселда тарқатилган коммюникеда.
«Шу билан бирга, биз яна Арманистон ҳукуматини полиция орқали оммавий намойишларга нисбатан ҳаддан ташқари куч ишлатишдан тийилишга даъват этамиз. Намойишчилар ҳам ўз фуқаролик ҳуқуқларини амалга оширишда зўравонликдан тийилиши керак», — дейилади Европа ташқи иқтисодий хизмати вакили баёнотида.
Унинг сўзларига кўра, «сиёсий ўзгаришларга эришиш учун куч ва зўравонликдан фойдаланиш мақбул ҳисобланмайди».
«Ихтилофлар демократия, қонун ва асосий эркинликлар устуворлигига ҳурмат шароитида сиёсий музокаралар орқали ҳал этилиши керак», — дея таъкидланади ҳужжатда.
Изоҳ (0)