Канадалик боксчи Адонис Стивенсон Бутунжаҳон бокс кенгаши (WBC)нинг -79,4 килограмм вазн тоифасида еттинчи марта чемпионлик камарини ҳимоя қилди. Канаданинг Квебек шаҳрида 29 июль куни кечаси ўтказилган 12 раундлик жангда 38 ёшли боксчи 28 ёшли АҚШ вакили Томас Уильямсни 4-раундда нокаутга учратди, деб хабар бермоқда «ТАСС».
Адонис Стивенсон профессионал рингда ўтказган 29 та жангдан 28 тасида (шулардан 23 тасида нокаут билан) ғалаба қозониб, 1 тасида мағлубиятга учраган. Профессионал рингдаги иккинчи мағлубиятини тан олган Томас Уильямс жами 22 та жанг ўтказиб, 20 тасида (шулардан 14 тасида нокаут билан) зафар қучган.
Изоҳ (0)