Покемонлар овчиси Нью-Жерси штатидаги покестопдан 2 минг доллар топиб олди

28 июль, пайшанба куни Нью-Жерси штатининг Хэкеттстаун шаҳрида Pokemon Go оммабоп ўйинининг фойдаланувчиси кутилмаган ютуқни қўлга киритди, дея хабар бермоқда «ТАСС».

Покемонлар овчиси ўйин ичидаги валютага фойдали виртуал буюмларни харид қилиш мумкин бўлган покестопда ҳақиқий 2 минг долларни топиб олди.

Шаҳар полициясининг маълум қилишича, ўйинчи топилма ҳақида зудлик билан тартиб қўриқчиларини огоҳлантирган. Бир пайтнинг ўзида полицияга пулларини йўқотиб қўйган кишидан хабар келиб тушган.

Навбатчи полициячи жойига чиққанда, унга пул маблағлари топилганлиги ҳақида маълум қилинган. Ҳуқуқ ҳимоячиси ташқи кузатув камераларидаги ёзувни кўздан кечиргандан сўнг, унга топилмани етказган покемон овчисини топишга эришган.