Халқаро Чемпионлар Кубоги мусобақасида иштирок этмаётган Лондоннинг «Арсенал» клуби кеча — 28 июль куни «MLS Stars»га қарши ўртоқлик ўйинида майдонга тушди.
«MLS Stars» сафида АҚШ Соккер Лигасида тўп сураётган энг таниқли футболчилар ҳаракат қилди. Бундайлар сирасига бразилиялик Кака, италиялик Андреа Пирло ва Жовинко, мексикалик Дос Сантос, испаниялик Давид Вилmя, ивуарлик Дидье Дрогбани киритиш мумкин.
Учрашув «Арсенал»нинг 2:1 ҳисобидаги ғалабаси билан якунига етди. 19-дақиқада Кэмпбелл «тўпчилар»ни олдинга олиб чиққан бўлса, биринчи бўлим якунида фаолиятининг катта қисмини Лондоннинг бошқа бир клуби «Челси» сафида ўтказган Дидье Дрогба мувозанатни тиклади. 87-дақиқага келиб эса Акпом «Арсенал»га ғалаба келтирган голга муаллифлик қилди.
Шу куни «Арсенал» сафида Месут Ўзил, Алексис Санчес каби етакчи футболчилар ҳаракат қилмади.
Ўртоқлик учрашуви Сан-Хосе, АҚШ 28 июль, пайшанба
«MLS Starts» — «Арсенал» 1:2
Голлар: Кэмпбелл, 19 (0:1). Дрогба, 45 (1:1). Акпом, 87 (1:2).«MLS Старс»: Блейк (Бингхем, 46), ван Дамм, Акоста (Винсент, 57), Симан, Розенберри (Бирнбаум, 46), Кака, Пирло (Клештан, 32, Демпси, 72), дос Сантос (Трапп, 46), Беккерман (Нагбе, 46), Виля (Пьятти, 32, Вондоловски, 72), Дрогба (Жовинко, 46, Ларин, 77).
«Арсенал»: Чех (Мартинес, 67), Дебюши (Бельерин, 46), Холдинг, Белик (Чемберс, 46), Гиббс (Монреаль, 46), Эль-Нени (Зелалем, 67), Коклен (Жака, 46), Окслейд-Чемберлен, Уилшер (Ивоби, 46), Кэмпбелл (Аделаиде, 67), Уолкотт (Акпом, 67).
Изоҳ (0)