Сомали пойтахти Могадишода жойлашган Африка иттифоқининг Сомалидаги миссияси ҳарбий базасига уюштирилган ҳужум оқибатида камида 11 нафар сомалилик шартнома асосидаги ҳарбий хизматчи ҳалок бўлди, шунингдек, БМТнинг икки ходими жароҳат олди. Бу ҳақда, ташкилот бош котиби расмий вакилининг ўринбосари Фархан Ҳаққа асосланиб, «ТАСС» хабар бермоқда.
Жароҳат олганлар БМТ қоровули ходимлари эканлиги айтилмоқда.
Худкуш террорчилар тинчликпарвар кучлар базасига миналаштирилган автомобилларда яқинлашиб, ўзини ҳавога учирди. Воқеа Могадишо халқаро аэропорти яқинида рўй берди. Биринчи портлаш базага киришда содир бўлди, иккинчиси эса Сомали ҳукумат қўшинлари назорат қилаётган назорат-ўтказиш пунктида амалга оширилди.
Жиноят учун жавобгарликни «аш-Шабоб» гуруҳи ўз зиммасига олди.
Al Jazeera телеканали 13 киши ҳалок бўлгани ҳақида маълумот берди.
БМТ бош котибининг Сомалидаги махсус вакили Майкл Китинг терактни қатъиян қоралади.