Россиянинг Бурятия республикаси прокуратураси маълумотларига қараганда, ўрмон авиаҳимояси ишчилари Байкалорти ўлкасидаги ўрмон ёнғинларига қарши маст ҳолда курашган экан. Бу ҳақда «Вести.ru» хабар бермоқда.
Табиий ёнғинларни ўчиришни ташкил этиш жараёнини текшириш давомида прокуратура «Байкалорти ўрмонларни авиацион ҳимоя қилиш базаси» ишчилари томонидан меҳнат тартиби бузилганини аниқлади.
Жумладан, катта учувчи-кузатувчи 2016 йил майида авиакузатиш мобайнида маст ҳолда бўлгани туфайли ўрмон массивини патруллаш бўйича зарурий тадбирлар амалга оширилмай қолгани маълум бўлди.
Шунингдек, 2016 йил июнида эса Муйский туманидаги ёнғинни ўчиришга чиқишдан олдин Кабанск авиабўлинмасининг беш ишчиси маст бўлгани билдирилмоқда.
Айбдорлардан бири лавозимидан бўшатилди, яна беш нафарига нисбатан интизомий чоралар кўрилди.