Туркиянинг Ойдин вилоятида автомобиль соҳилда дам олаётган одамларни босиб кетди. Бу ҳақда, Hurriyet нашрига асосланиб, «Интерфакс» хабар бермоқда.
Бир киши ҳалок бўлгани, тўрт киши яралангани билдирилмоқда.
Машина ҳайдовчиси 84 ёшли эркак бўлиб, у бошқарувни қўлдан бой берган ва бунинг натижасида машина йўлдан чиқиб кетиб, одамлар устига юрган.
Машина бутун пляждан ўтиб, денгиз бўйида тўхтаган. Ҳайдовчи ва унинг ёнида бўлган рафиқаси ҳам жароҳат олган.