Сэм Эллардайс Англия терма жамоасининг янги бош мураббийи этиб тайинланди

Англия футбол ассоциацияси Сэм Эллардайс мамлакат миллий терма жамоасига бош мураббий этиб тайинланганини маълум қилди. Бу ҳақда «Интерфакс» хабар бермоқда.

Ассоциация сайтида ёзилишича, 61 ёшли мутахассис билан икки йиллик шартнома имзоланди. Унинг олдига терма жамоани 2018 йилда Россияда ўтадиган жаҳон чемпионатига олиб чиқиш вазифаси қўйилди.

Эллардайс бунга қадар «Сандерленд»да ишлаб келган эди.

Англия Европа чемпионатининг нимчорак финалида Исландиядан 1:2 ҳисобида мағлуб бўлгач, Рой Хожсон терма жамоа бош мураббийи лавозимидан истеъфо берди. Эндиликда унинг ўрнини Эллардайс эгаллайди.