Халқаро қиличбозлик федерацияси президенти Алишер Усмонов ҳамда Россия ўқчилар иттифоқи ва Европа ўқчилар конфедерацияси президенти Владимир Лисин Россия олимпия қўмитасининг допингга қарши кураш бўйича мустақил комиссияси аъзолари бўлиши кутилмоқда. Бу ҳақда «ТАСС» хабар бермоқда.
Бу борада Халқаро олимпия қўмитаси фахрий аъзоси Виталий Смирнов журналистлар билан мулоқот чоғида баёнот берди.
Россия президенти Владимир Путин 22 июль, жума куни мамлакат олимпия қўмитасига допингга қарши кураш бўйича мустақил комиссия яратишни тавсия қилди. Давлат раҳбари Виталий Смирнов комиссияга раҳбарлик қилишига умид билдирди.
Комиссиянинг таъсис этилиши Россия олимпия қўмитаси ижроия қўмитасида тасдиқланиши лозим. Унинг кейинги йиғилиши 28 июль куни бўлиб ўтади.