АҚШ музейи Армстронг Ойга қўнганда кийган қўлқоп ва шлемни кўргазмага қўйди
Вашингтонда жойлашган АҚШ Авиация ва космонавтика миллий музейи икки ноёб экспонат билан тўлдирилди. 21 июль, чоршанба куни инсоният тарихида Ойга биринчи бўлиб қадам қўйган америкалик астронавт Нил Армстронгнинг қўлқоп ва шлеми кўргазмага қўйилди, дея хабар бермоқда «ТАСС».
Музей ўз коллекциясининг ушбу кенгайтиришини Apollo 11 экспедициясининг 47 йиллигига тўғрилади. Экспедициянинг командири Армстронг, экипажнинг қолган икки аъзоси эса Базз Олдрин ва Майкл Коллинз бўлган. Армстронг ва Олдрин Eagle тушириладиган модулида 1969 йилнинг 20 июль куни Ойга қўнган эди.
Армстронгнинг шлем ва қўлқоплари 2012 йилдан буён биринчи марта махсус сақланадиган жойдан олиниб, омма эътиборига ҳавола этилмоқда. Ушбу нодир нарсалар яна бир йил давомида музейда бўлади. Шундан сўнг улар яна сақлаш учун олиб қўйилади.
