Хонанда Жаҳонгир Отажонов 28—29 октябрь кунлари Тошкентдаги «Истиқлол» санъат саройида «Куз гуллари» деб номланган жонли ижродаги концерт дастурини тақдим этади. Бу ҳақда хонанда Инстагарамъдаги саҳифасида хабар қолдирган.

Foto: Ilyosxo‘ja Sultonxo‘jayev

Фото: Илёсхўжа Султонхўжаев

Хонанданинг маъмури Шерзод Магрупов журналист Феруз Муҳаммадга маълум қилишича, Жаҳонгир Отажоновнинг 2016 йил ҳисобидан иккинчи концерти унинг ўз жамоаси томонидан ташкил этилади.

«Жаҳонгир Отажоновнинг кўплаб мухлислари ижтимоий тармоқлар ва мессенжерлар орқали яна концерт ташкил этиш таклифини берган эди. Жонли ижродаги навбатдаги концерт айнан шу талаб ва таклифлар асосида ўтказилади», — деди хонанданинг маъмури.

Маълумот учун, хонанда Жаҳонгир Отажонов шу йилнинг 3—5 июнь кунлари «Истиқлол» санъат саройида «Иштибоҳ» деб номланган жонли ижродаги концерт дастурини тақдим этган эди.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.