Вьетнам ўрмонларида яшаган ота ва бола 40 йилдан сўнг цивилизацияга қайтди

1956–1975 йилларда бўлиб ўтган Вьетнам уруши вақтида Америка бомбаларидан қочган вьетнамлик ота ва бола Куангнгай провинциясидаги ўрмонлардан бирида 40 йилдан ортиқ яшади. Бу ҳақда «ТАСС» хабар бермоқда.

«Зан Вьет» нашрининг маълум қилишича, ёввойи табиатга ўрганиб қолган Хо Ван Тхан ва унинг ўғли Хо Ван Ланг замонавий ҳаётга қайтиб, мослашиш даврини ўтказмоқда.

Ота ва боланинг изига уларнинг қариндоши тушди ва цивилизацияга қайтишга кўндирди. 80 ёшдан ошган отага тиббий ёрдам керак бўлгани учун улар ўрмонга яқин бўлган қишлоқлардан бирига жойлашди. 40 йил давомида улар соғлиғидан деярли шикоят қилмаган.

50 ёшга тўлаётган ўғил замонавий ҳаётга кўникиб бормоқда. У катта бўлмаган ер ҳудудига ишлов бериб, оила қуришни режалаштирмоқда.