Қирғизистон президенти Алмазбек Атамбаевнинг асосий иш жойидан 2015 йилги даромади 1 миллион 298,45 минг сомни (19300 доллар) ташкил этди. Унинг харажатлари эса 26 баробар кўпроқ бўлиб, 34 миллион сомни (505200 доллар) ташкил этди. Бу ҳақда «АқчаБар» сайти хабар бермоқда.
Бу рақамлар давлат кадрлар хизмати сайтида 8 июль, жума куни чоп этилган декларацияда акс этди. Президент харажатлари жадвалида улар Атамбаевнинг «ўз жамғармаларидан сарфлангани» тушунтириб ўтилган.
Бундан ташқари, Қирғизистон раҳбари 27 минг квадрат метрлик участкада жойлашган 116,34 квадрат метр майдондаги иморатга эгалик қилади. Атамбаев, шунингдек, 64 минг квадрат метр майдонга эга даладаги кўп йиллик экинлар ҳамда хусусий корхонанинг 100 фоизлик акциялари соҳиби бўлиб, уларнинг бошқарувини ишончли вакилига топширган.
Изоҳ (0)