«Навбаҳор» билан шартномаси бекор қилинаётган футболчилар ПФЛга арз қилиш фикрида экани маълум қилинди

Футбол бўйича Ўзбекистон Олий Лигасининг 2016 йилги мавсуми ярмини 13-ўринда якунлаган «Навбаҳор» клуби 15 та ўйинда уч бор мураббий алмаштирганди. Жамоани навбатдаги 15 та тур учун тайёрлаши керак бўлган мутахассис Равшан Бозоров таркибда кескин ўзгаришларга қўл уришни бошлади.

• Ўз вақтида «Навбаҳор»да ишончни оқламаган мураббий ўша «Навбаҳор»да яна иш бошлагани маълум қилинди

«Championat.asia» маълумотига кўра, мавсум бошида сафга қўшиб олинган бир қатор футболчилар билан шартномаларни «Навбаҳор» клуби бекор қилган. Бу нарса Наманган клубини тарк этаётган футболчиларнинг норозилигига сабаб бўлиши ва улар Ўзбекистон Профессионал Футбол Лигасига арз қилиши мумкин.

Равшан Бозоров «Навбаҳор»га қадар «Норин» клубида фаолият олиб борган. Унга қадар «Навбаҳор»да шу йил ҳисобидан Рашид Ғофуров ва Александр Волков фаолият олиб борганди.

• Олий лига. Водийнинг «Андижон», «Навбаҳор» ва «Қўқон—1912» клублари мавсум ярмига қадар қандай каромат кўрсатди?