ОАВ: Хитойда деворнинг қулаши оқибатида 8 киши ҳаётдан кўз юмди

2 июль, шанба куни Хитойнинг Ухань шаҳрида қулаган деворнинг вайроналари остида 8 киши ҳалок бўлди. Бу ҳақда «Синьхуа» агентлигига таяниб, «ТАСС» хабар бермоқда.

Давомий ёғингарчилик туфайли юзага келган оқим қурилаётган бинонинг 15 метрлик деворининг қулашига сабаб бўлди. Баландлиги 2 метр бўлган деворнинг парчалари ўтиб кетаётган одамларнинг устига тушди. Қутқарувчилар вайроналар остида тирик жонни топа олмади.

Хитойнинг Шарқий, Жанубий ва Марказий қисмларида кучли ёғингарчилик 1 июль кунидан буён давом этмоқда. Шаҳарлар ва уездлар сув остида қолган. Сув омборлари ва ҳимоя тўғонлари хавф остида қолмоқда.

Мамлакат бўйлаб табиий офат оқибатида қурбон бўлганлар сони бир неча ўн кишига етган.