30 июнь куни футбол бўйича Ўзбекистон Олий Лигасида 1-давранинг сўнгги тур беллашувлари старт олди. «Обод» ва «Пахтакор» клублари ўртасидаги Тошкент дербисида зафар қучган мамлакатнинг амалдаги чемпиони 1-даврани 4-ўриндан пастроқда якунлади.
«Обод»га қарши беллашувда «пахтакорчилар» ҳисобда ортда боришига қарамай, якунда 4 та гол уришга муваффақ бўлди. Голларнинг барчаси ўз вақтида ёшлар ўртасидаги Жаҳон Чемпионатида тўп сурган футболчилар ҳисобига ёзилди.
«Пахтакор» сўнгги бор 2013 йилда Олий Лиганинг биринчи дарвасини 4-ўриндан пастда, аниқроғи, 5-поғонада якунлаган. Ўша мавсум «Пахтакор» совриндорлар орасига кира олмай, мавсум сўнггида финишга 4-ўринда етиб келган.
«Обод» устидан қозонилган ғалаба мамлакатнинг сўнгги икки йилликдаги чемпионини 5-ўринга олиб чиқди. Бироқ «Қизилқум» ўз ихтиёридаги икки ўйинда зафар қучса, «Пахтакор»ни 6-ўринга тушириб юборади.
«Пахтакор»ни Ўзбекистон Кубогидан чиқариб юборган ва Олий Лига доирасида ҳам мағлуб этган «Бухоро» 15-турда 1 очко ишлади. Ғузордаги беллашувнинг 93-дақиқасида ҳимоячи Артём Филипосян бухороликларни мағлубиятдан қутқариб қолди.
15 имкониятдан 23 очко тўплаган «Бухоро» 6-ўринни эгаллаб турибди. «Шўртан» эса қўлга киритилган 1 очкоси эвазига 10-ўринга кўтарилди.
Куннинг сўнгги ўйинида «Қўқон—1912» клубини мағлуб этган «Олмалиқ» 21 очко билан 8-поғонада бўлса, 9 очкоси бор Қўқон клуби жадвални пастдан бошлаб ўқиганда «Обод»дан кейин иккинчи клуб бўлиб турибди.
Олий Лиганинг 15-тур беллашувлари июлнинг биринчи кунида якун топади. Шу куни турнинг марказий ўйини Тошкент дербиси мақомида бўлиб, чемпионлик учун кураш олиб бораётган «Локомотив» ва «Бунёдкор» клублари ўзаро тўқнаш келади.
Ўзбекистон Олий Лигаси 15-тур беллашувлари 30 июнь, пайшанба
«Обод» — «Пахтакор» 1:4
Голлар: Шоҳруз Норхонов, 15 (1:0). Шерзод Каримов, 27 (1:1). Игорь Сергеев, 39 (1:2). Жалолиддин Машарипов, 45 (1:3). Жамшид Искандаров, 58-пен (1:4).Ноаниқ пенальти: Шоҳруз Норхонов, 67 (О).«Шўртан» — «Бухоро» 1:1
Голлар: Элдор Бойматов, 20 (1:0). Артём Филипосян, 90+3 (1:1).«Олмалиқ» — «Қўқон—1912» 3:2
Голлар: Муҳаммад Исаев, 56 (1:0). Евгений Гогол, 60 (2:0). Баҳодир Акрамов, 82 (2:1). Зоҳир Пиримов, 85 (3:1). Отабек Зокиров, 90+1 (3:2).1 июль, жума«Машъал» — «Насаф»«Сўғдиёна» — «Қизилқум»«Нефтчи» — «Металлург»«Локомотив» — «Бунёдкор»«Навбаҳор» — «Андижон»
Изоҳ (0)