Apple компанияси бундан буён ўз компьютерлари учун Thunderbolt Display мониторларини ишлаб чиқармайди. Бу ҳақда, The Verge нашрига асосланиб, Tjournal хабар бермоқда.
«Биз Thunderbolt Display мониторларини ишлаб чиқаришни тўхтатмоқдамиз. Омборхона захиралари тугамагунига қадар уни ‘Apple.com’ сайтидан, Apple дўконлари тармоғидан, шунингдек, чакана тарқатувчилардан харид қилиш мумкин бўлади. Бошқа ишлаб чиқарувчиларнинг Mac фойдаланувчилари қўлга кирита оладиган кўплаб ажойиб моделлари бор», — дейилади баёнотда.
Монитор 2011 йилдан ишлаб чиқарила бошланган эди. Ҳозирча уни Apple Store дўконларидан 999 долларга сотиб олиш мумкин. Захиралар тугагач, монитор бошқа ишлаб чиқарилмайди ва савдо расталаридан ғойиб бўлади.
Изоҳ (0)